ملاحظات عن الطلمبات
فائدة الطلمبات رفع كميات معينة من المياه من منسوب منخفض الي منسوب اعلي لمسافة معينة في زمن محدد أنواع الطلمبات تنقسم الي نوع بيحول طاقة الحركة الي طاقة وضع و بينقسم الي ثلاثة اقسام : طلمبات محورية طلمبات مخروطية طلمبات طاردة مركزية و نوع بيشتغل عن طريق الازاحة (ماصة و كابسة ) الطلمبة المحورية المياه بتدخل في اتجاه العامود و بتخرج في اتجاه العامود و دايما بتكون سرعتها بطيئة و بتشتغل عن طريق انها بتعمل خلخلة للمياه عند البروفايل بتاع الريشة فبتكون منطقة ضغط منخفض و ضغط المياه الداخل بيكون ضغطه اعلي (الضغط الجوي) و بالتالي المياه بتتحرك من الضغط العالي الي الضغط المنخفض و بنستخدم النوع ده من الطلمبات في حالة لما بنحتاج كمية مياه كبيرة و رفع قليل الطلمبة الطاردة المركزية تستخدم في حالة الاحتياج الي كمية مياه قليلة و رفع عالي و تصل الي 500 متر ارتفاع للمرحلة الواحدة المياه بتدخل في اتجاه العامود و بتخرج في اتجاه عامودي علي العامود بتشتغل عن طريق الحركة الطاردة المركزية (مثال : حركة الحبل في أفلام الكاوبوي.لما نربط طرف حبل في طوبة ...